Dje, në ambientet e Kolegjit Universitar “Qiriazi”, u realizua me sukses një tjetër sesion trajnimi në kuadër të Academy of Leadership and Communication in Entrepreneurship, pjesë e projektit “DUAJE TOKËN”.
Sesioni u zhvillua me maturantët e shkollës “John Kennedy” dhe u udhëhoq nga pedagogu Leons Hasani, i cili solli një qasje praktike dhe sfiduese ndaj koncepteve të lidershipit, komunikimit dhe sipërmarrjes.
Gjatë trajnimit, të rinjtë u angazhuan në diskutime mbi vendimmarrjen në kushte pasigurie, rëndësinë e komunikimit efektiv dhe rolin e liderit në ndërtimin e një vizioni të qartë për të ardhmen. Atmosfera ishte interaktive dhe plot energji, ku idetë u shkëmbyen lirshëm dhe çdo pjesëmarrës pati hapësirë të reflektojë mbi potencialin e tij.
Ky aktivitet shënon një hap konkret në drejtim të fuqizimit të të rinjve, duke i pajisur ata me njohuri dhe aftësi thelbësore për të përballuar sfidat e së ardhmes dhe për të ndërtuar rrugën e tyre drejt suksesit.
Ky projekt implementohet nga Student Economic Forum në bashkëpunim me Kolegjin Universitar Qiriazi dhe Fondacionin Davidi, mbështetur nga Bashkia Tiranë.
