Qëllimi i programit dhe aftësitë që fitohen në përfundim të studimeve

Qëllimi i programit profesional “Teknologji Ushqimore”, me profilet: “Teknologji e Produkteve Bimore”, “Teknologji e Produkteve Shtazore”, “Teknologji e Pijeve dhe Ujit”, është përgatitja e profesionistëve të aftë në teknologjitë dhe proceset që lidhen me prodhimin modern të ushqimit të shëndetshëm dhe të sigurt.

Procesi akademik synon që studentët, në përfundim të ciklit të studimeve:

• • Të zotërojnë njohuritë e nevojshme për t’u formuar si profesionistë në fushën e teknologjisë ushqimore.

  • Të kenë njohuri të thelluara praktike mbi teknologjitë e prodhimit, përpunimit, ruajtjes dhe tregtimit të produkteve ushqimore.

  • Të kenë një bazë të qëndrueshme në zbatimin e procedurave të punës sipas kërkesave standarde të sistemeve të menaxhimit të cilësisë dhe sigurisë ushqimore.

  • Të demonstrojnë komunikim profesional e efektiv, aftësi bashkëpunuese dhe udhëheqëse në përmbushjen e qëllimeve dhe objektivave të grupit ku janë të angazhuar.

  • Të njohin metodat e analizave të cilësisë së produkteve ushqimore dhe të vlerësojnë karakteristikat e lëndëve të para të papërpunuara.

Kriteret e pranimit dhe forma e studimit

Mundësitë e punësimit

Të diplomuarit në këtë program mund të punësohen në:

• Industritë e përpunimit të produkteve bimore.
• Industritë e përpunimit të produkteve shtazore.
• Punishte, fabrika apo kompani që përpunojnë ose konservojnë fruta dhe perime.
• Industritë e prodhimit, përpunimit dhe tregtimit të pijeve alkoolike dhe joalkoolike.
• Industritë ushqimore, për ndjekjen e proceseve, modifikimin dhe zbatimin e skemave teknologjike të prodhimit e përpunimit.
• Industritë ushqimore, për vlerësimin e lëndëve të para dhe ndihmëse në prodhimin e ushqimeve.
• Laboratorë analizash ushqimore, për vlerësimin e treguesve kimikë, fizikë, mikrobiologjikë dhe organoleptikë të produkteve.
• Industritë ushqimore, për përcaktimin e parametrave teknologjikë, përllogaritjen e rendimenteve teorike dhe praktike të proceseve të ruajtjes dhe prodhimit.
• Biznese ushqimore si vlerësues të brendshëm ose të jashtëm, për zbatimin e skemave sipas sistemeve të menaxhimit të cilësisë.

Mundësitë për studime të mëtejshme

Kreditet e fituara në këtë program mund të transferohen në një program tjetër të të njëjtit nivel, brenda ose jashtë institucionit, duke u dhënë studentëve mundësi për studime të mëtejshme në vend dhe jashtë tij.

🔗 Kliko këtu për të parë kurrikulën e programit të studimit.