Qendra Kërkimore-Shkencore është njësi bazë kërkimore dhe shkencore që zhvillon veprimtaritë e saj në përputhje me misionin dhe fushat e përgjegjësisë dhe u nënshtrohet kritereve të financimit të veprimtarisë kërkimore-shkencore. Ajo ka detyrimin të publikojë veprimtarinë e saj, si dhe rezultatet në revista shkencore, botime shkencore etj. Ajo garanton integrimin e veprimtarisë kërkimore me procesin mësimor akademik.

Veprimtaria e Qendrës Kërkimore-Shkencore bazohet në strategjinë e kërkimit shkencor në përputhje me politikat dhe objektivat e Fakultetit. Veprimtaria e saj shtrihet në fushat sociale dhe ekonomike për rritjen e cilësisë së kërkimit shkencor.

Qendra Kërkimore-Shkencore:

• Nxit dhe mbështet nisma në fushën e kërkimit shkencor mes departamenteve, si dhe koordinimin me institucionet akademike, brenda dhe jashtë vendit.

• Promovon veprimtarinë kërkimore-shkencore të fakultetit, brenda dhe jashtë vendit.

• Propozon veprimtari të efektshme për:

  • Njohjen e kapaciteteve dhe vlerave të fakultetit në përputhje me zhvillimet në treg, me konkurrencën dhe nivelin e jetesës;

  • Plotësimin e standardeve dhe kritereve për akreditim etj.

• Bashkëvepron për projekte dhe tematika të miratuara në departamente.