Studentët e programit të studimit 2-vjeçar “Teknologji Ushqimore” në Universitetin Qiriazi, nën drejtimin e Prof. Dr. Abdyl Sinani dhe Pedagoges Ornela Luka referuan punimet e përgatitura për prezantim, shoqëruar dhe me produktet e prodhuara në laborator.

Studentët fillimisht prodhuan disa produkte të pjekjes, si bukë integrale, produkte konditore, djathë natyral, e shumë produkte të tjera, duke ndjekur e skemat teknologjike dhe duke përmbushur parametrat e sigurisë ushqimore.

Të pranishëm në këtë aktivitet ishin drejtues të Universitetit dhe stafi akademik, ku studentët i mirëpritën pyetjet e drejtuara nga të pranishmit duke dhënë përgjigje profesionale.

Produktet e përgatitura me shijën e vecantë të tyre e përmbyllën këtë aktivitet me objektiva të përmbushura plotësisht nga teknologët tanë të ardhshëm.

#universitetiqiriazi #zgjidhqiriazin #student #teknologjiushqimore

Procredit Bank realizoi takim me studentët e Fakultetit të Ekonomisë në Universitetin Qiriazi, ku prezantoi programin 6 mujor ‘’Procredit Onboarding Programme’’, mundësi punësimi dhe intershipi kundrejt pagese për studentët e diplomuar më parë dhe ata që janë në proces diplomimi.

Trajnimi me një kohëzgjatje 26 javore ndihmon në rritjen përsonale dhe profesionale të studentëve, i cili kombinon modulet e trajnimit teorik me atë praktik.

Një pjesë e trajnimeve do të realizohen online, një pjesë në bankën lokale dhe disa të tjera në Qëndrën e Trajnimit në Serbi, ku programi zhvillohet në gjuhën angleze.
Qëllimi kryesor i Universitetit Qiriazi është të përgatisë studentë të kualifikuar për punësim në kompani auditimi, konsulence, banka, kompani sigurimi e institucione të tjera financiare, etj.

#zgjidhqiriazin #universitetiqiriazi #100vjetqiriazi

CEO Gladiola Dona, eksperte e komunikimi dhe menaxhimit në fushën e hoteleri-turizmit, themeluese e “Akademisë së Mikëpritjes”, mbajti një leksion të hapur  me studentët e  programeve “Menaxhim Hoteleri-turizëm”, “Teknologji Ushqimore” si edhe me studentë nga programe të ndryshme, të  Universitetit Qiriazi.

Leksioni u përqëndrua tek sekreti i të qënit i sukseshëm  në artin e menaxhimit, rolin e rëndësishëm që luan komunikimi dhe empatia në industrinë e turizmit, pati një  impakt të jashtëzakonshëm tek studentët tanë të cilët shfaqën interes dhe entuziazëm.

Zj. Gladiola Dona, foli dhe për rrugëtimin e gjatë dhe tepër interesant të karrierës së saj.

#zgjidhqiriazin #universitetiqiriazi

Me moton “OPEN DOORS, OPEN FUTURE, OPEN DAY’’, Universiteti Qiriazi hapi dyert duke mirëpritur maturantë nga Tirana dhe qytete të tjera. Maturantët u njohën me stafin akademik, programet e studimit, ndërkombëtarizimin e institucionit dhe me ambjentet e Universitetit, si: laboratorët, klinikën ligjore, hapësirat sportive, ambjentet argëtuese, bibliotekën, etj.

Maturantët patën mundësinë të merrnin këshillim karriere dhe profesional nga stafi akademik, gjithashtu në dispozicion të tyre për cdo pyetje apo informacion u vunë dhe studentët, të cilët ndanë eksperiencën e tyre përgjatë studimeve.
 Gjatë vizitës u informuan për mundësitë e punësimit sezonal në Itali dhe Gjermani që ofron Universiteti Qiriazi, si dhe punësimin pas përfundimit të studimeve, etj.
 Në aktivitetin e realizuar ‘’Open Day’’ u dhuruan bursa studimi për maturantët, si dhe rezervimi i studimeve me 15 % zbritje nga tarifa ekzistuese, shumë maturantëve i besuan studimet e larta Universitetit Qiriazi.

‘’Qiriazi Fest’’ ishte mbyllja më e bukur që mund të bëhej, argëtim, muzikë, pije pa limit.

Ju urojmë suksese maturantëve, në provimet e Maturës Shtetërorë dhe falenderojmë ata që u bënë pjesë e Universitetit Qiriazi me rezervimin e studimeve.

#100vjetqiriazi #openday2023
#universitetiqiriazi

Ditën e Premte, në mbledhjen e rradhës të Këshillit Studentor Qiriazi, përfaqësuar nga senatorët, ju bashkuan edhe Presidenti i Universitetit Qiriazi Prof. Dr. Gjokë Uldedaj dhe Rektori Prof. Dr. Maksim Meço.

Fokusi i takimit u përqëndrua tek jeta studentore, mbarëvajtja e vitit akademik, konferencat shkencore studentore, etj.

Presidenti dhe Rektori premtuan së shpejti publikimin e një reviste periodike me emrin “Kyriaz”, ku në qëndër do të jetë gjithmonë studenti.

Synimi kryesor i Universitetit Qiriazi është zhvillimi profesional i studentëve dhe integrimi në tregun e punës, kjo falë programeve të përshtatshme dhe marrëveshjeve të shumta të bashkëpunimit brenda dhe jashtë vendit.

#universitetiqiriazi #keshillistudentor

Stafi akademik i departamentit të Teknologjisë Ushqimore dhe Turizmit në Universitetin Qiriazi, realizoi një leksion të hapur në ambjentet e kabinetit të Hoteleri-Turizmit, me maturantë nga Shkolla e Mesme Profesionale Kamëz, me drejtim Hoteleri-Turizëm.

Pedagogët e programit Hoteleri-Turizëm, Dr. Edlir Orhani, Msc. Fjorentina Kushta dhe Msc. Edvin Ahmati, folën me pasion rreth trinomit të bashkëpunimit udhërrëfyes turistik, Bar-Restorant dhe struktura akomoduese, duke bërë një kombinim tepër të vyer dhe mbresëlënës.
Specialistët vunë theksin tek rëndësia e turizmit, rëndësia e arsimimit dhe mirësjelljes në fushën e Hoteleri-Turizmit.

Mesazhi i leksionit ishte tepër domethënës, nëse çdo specilialist integron pasionin me punën e tij, rrit standartin në turizëm, nëse koordinon dhe operon në mënyrë perfekte me specialistët e tjerë i hap rrugën turizmit të qëndrueshëm.

#universitetiqiriazi #hoteleriturizem #qiriazi

Departamenti i Teknologjisë Ushqimore dhe Turizmit në Universitetin Qiriazi mirëpriti në ambjentet e laboratorit për realizimin e praktikave mësimore, maturantë të Shkollës së Mesme Hoteleri-Turizëm në Tiranë, me drejtim Teknologji Ushqimore.

Drejtori i Departamentit të Kolegjit Profesional të Lartë në Universitetin Qiriazi, Prof. Dr. Abdyl Sinani, informoi maturantët mbi rëndësinë praktike dhe proceset teknologjike, duke filluar nga perdorimi i lëndës së parë, prodhimi, paketimi, ruajtja, transporti dhe shpërndarja e produkteve ushqimore tek konsumatori.

Prof. Dr. Abdyl Sinani i njohu maturantët me rolin e rëndësishëm dhe vendimtar që luan programi i Teknologjisë Ushqimore në përmirësimin e jetës, duke u shprehur se nuk ka teknologji ushqimore të efektshme nëse mungon teknologu i aftë për zbatimin e protokolleve të  standardeve teknologjike.

Gjithashtu maturantët u njohën me zbatimin e procedurave standarde në lidhje me sigurinë ushqimore, që nga protokollet ndërkombëtare, pikat e kontrollit që të identifikojnë rreziqet e mundshme dhe marrja e masave paraprake të nevojshme deri tek aplikimi i analizave fiziko-kimike, mikrobiologjike, etj.

#universitetiqiriazi

Ekipi i ndihmës së parë “Qiriazi”, i përbërë nga studentë të programit të studimit “Kujdes Social dhe Shëndetësor”, por edhe studentë vullnetarë nga programet “Hoteleri-Turizëm” dhe “Teknologji Ushqimore”, nën kujdesin e trajnerit të ndihmës së parë, pedagogut Dr. Edlir Orhani, mori pjesë në konkursin e ndihmës së parë bazike, organizuar nga Kryqi i Kuq Shqiptar (KKSH). 

Këta të rinjë të përkushtuar, kaluan me sukses çdo provë duke shfaqur nivel, intelekt dhe aftësi, duke i dhënë Kolegjit Universitar Qiriazi të drejtën e pjesëmarrjes së përvitshme në këtë kampionat. Faleminderit, ekipit tonë i cili na dha mundësinë e këtij kualifikimi. 

Ky konkurs garën e sheh si një mënyrë për t’i pajisur të rinjtë me vlera dhe aftësi për të kapërcyer vështirësitë falë bashkëveprimit dhe ndihmës reciproke, i hap rrugën  përfshirjes në projekte më të mëdha me KKSH, të cilat do jenë tepër të rëndësishme për të ardhmen, sidomos për programin Kujdes Social dhe Shëndetësor.

#universitetiqiriazi

Ekipi i ndihmës së parë “Qiriazi”, i përbërë nga studentë të programit të studimit “Kujdes Social dhe Shëndetësor”, por edhe studentë vullnetarë nga programet “Hoteleri-Turizëm” dhe “Teknologji Ushqimore”, nën kujdesin e trajnerit të ndihmës së parë, pedagogut Dr. Edlir Orhani, është trajnuar për gati gjashtë javë rreth teknikave  të ndihmës së parë bazike.

Studentët kanë marrë informacion dhe janë praktikuar rreth ndërhyrjeve në rast aksidentesh me makinë dhe nxjerjes rautek, teknikave të masazhit kardiak sipas kategorive të moshave, teknikave të ndërhyrjes në rast djegiesh, plagësh hemoragjike, demtimeve në kocka, atakut kardiak etj.

Synimi i këtij trajnimi ka qënë pjesëmarrja e ketij ekipi në konkursin e ndihmës së parë për universitetet e Tiranës, organizuar nga Kryqi i Kuq Shqiptar, që do mbahet me datë 08 Maj.

Të rinjtë kanë mësuar për këto gjashtë javë si të koperojnë në grup për të qënë të suksesshëm, prandaj j’u urojmë fitore studentëve tanë në këtë kompeticion!

Falenderojmë Kryetaren e Parlamentit Znj. Lindita Nikolla, për vizitën në promovimin e librit “Mosha e Artë e Një Universiteti”, botim i Universitetit Qiriazi.

Libri i botuar në kuadër të 100 vjetorit të universitetit,  përshkruan historinë e lindjes dhe konsolidimit të këtij Institucioni Arsimor nga fillesat e tij ne vitin 1922 deri në ditët e sotme, glorifikuar në të njëjtën ndërtesë dhe me të njëjtat vlera historike.

#universitetiqiriazi

Në Pallatin e Sportit “Asllan Rusi” u mbajt sot ceremonia e hapjes për Kampionatet Kombëtare Universitare 2023.

Studentët e Fakultetit të Edukimit, Shkencave Sociale dhe Sportit në KUQ garojnë këtë vit në disiplinat futsal, volleyball dhe basketball.

Përformancën e hapjen së kësaj ceremonie e bëri akrobatia dhe njëkohësisht pedagogia e Kolegjit Universitar Qiriazi, Fiona Rushiti, sëbashku me studentët dhe grupin e saj artistik.

Ju urojmë suksese studentëve tanë në këtë kompeticion!

#universitetiqiriazi #fsshu #klubiisportitqiriazi

 Sot, në mjediset e Kolegjit Universitar Qiriazi u zhvillua një takim me përfaqësuesit e Akademisë gjermane të Trajnimit & Edukimit “Auxila”. 

Rezultat i këtij takimi ishte firmosja e një marrëveshje bashkëpunimi midis dy institucioneve. Marrëveshja i jep mundësinë studentëve të Kolegjit Universitar Qiriazi të kryejnë praktikën profesionale në Gjermani në fushën e Kujdesit Social dhe Shëndetësor.
Gjithashtu, në takim u diskutua edhe për mundësi të tjera bashkëpunimi midis dy institucioneve siç janë programet e përbashkëta studimore, mësimi i gjuhës gjermane, dhe mundësitë e punësimit të studentëve të “Qiriazit” në Gjermani pas përfundimit të studimeve.

#universitetiqiriazi

Universiteti Qiriazi takon maturantët në qytetin e Tiranës, në ditën e parë të Panairit “Work and Study 2023” realizuar për këshillimin dhe informimin e tyre për Studimet e Larta Akademike.

Vizita në Panair u realizuan edhe nga Ministrja e Arsimit dhe Sportit, Znj. Evis Kushi; Ministrja e Financave dhe Ekonomisë, Znj. Delina Ibrahimaj; Z. Nikolin Jaka, Kryetar i Dhomës së Tregtisë dhe Industrisë Tiranë.

Maturantët u njohën nga afër me programet e vitit të ri akademik 2023-2024:

BACHELOR

Fakulteti Ekonomisë:•Financë•Menaxhim Biznesi•Menaxhim në Hoteleri -Turizëm•Informatikë Ekonomike dhe Biznesi

Fakulteti i Edukimit, Shkencave Sociale dhe Sportit:•Edukim Fizik dhe Sporte (Bachelor)•Kujdes Social dhe Shëndetësor(Diplomë Profesionale 2-Vjeçare)

STUDIME TË INTEGRUARA

Fakulteti i Drejtësisë:•Studime të Integruara në Drejtësi (5-Vjeçare)•Asistent Ligjor dhe Administrativ(Diplomë Profesionale 2-Vjeçare)

DIPLOMË PROFESIONALE 2-VJEÇARE•Teknologji Ushqimore•Teknologji Informacioni dhe Komunikimi•Hoteleri-Turizëm

Ju urojmë suksese maturantëve në zgjedhjen e tyre! Ritakohemi sërish nesër në Pallatin e Kongreseve në ditën e dyte të Panairit “Work & Study 2023”.

Universiteti Qiriazi organizoi kompeticionin ‘’Future Business Idea 2023’’, konkurs vjetor i idesë së biznesit, ku ju ofroj studentëve të të gjitha disiplinave mundësi për të eksploruar idetë e tyre kreative dhe inovative të biznesit! Ky konkurs kishte si qëllim inkurajimin dhe nxitjen e studentëve të të gjitha fushave, rritjen e kreativitetit dhe shndërrimin e një ideje biznesi nga teorike ne një projekt konkret.

Idetë e përzgjedhura u vlerësuan nga një Juri profesioniste: Pedagoget Dr. Marsela Resulaj, Dr. Proc. Edvina Polaj dhe Z. Brian Shkodrani, Themelues u ‘’Smartup Digjital’’ & “Brainenergy”.

Dy idetë më të mira të biznesit të përzgjedhura nga juria ishin:
1) Biznesi ‘’Qëndra Rezidenciale Reno’’ fitoj çmimin e parë, ide e realizuar nga studentja e programit profesional 2 vjeçar “Kujdes Social dhe Shëndetësor, Marina Dyli.
2) Biznesi ‘’A.A.A. (Alpha Academy of Albania)’’ u rendit në vëndin e dytë si ideja më e mirë e biznesit e realizuar nga studenti i programit profesional 2 vjeçar “Teknologji Ushqimore”, Arjon Goga.

Përgjatë 1 jave studentët u trajnuan nga një staf i kualifikuar dhe profesionistësh në fushën e biznesit, si: Z. Brian Shkodrani, Themelues i SmartUP Digital dhe Brainenergy; Z. Ermir Mamaqi, Trajner Shitjesh & Marketingu, Lektor në UAMD, Themelues i Trace Marketing dhe Kaizen shpk; Dr. Marsela Resulaj, Pedagoge në Universitetin Qiriazi , Branch Director në Sigal Unica Group Austria Durrës.

Në fund të konkursit u shpërndanë çertifikata për studentët pjesëmarrës dhe dy çmime fituese, vendi i parë 100% bursë studimi dhe vendi i dytë 75% bursë studimi.

Urime dhe suksese të gjithë studentëve pjesëmarrës, duke shpresuar në konkretizimin e këtyre projekt ideve inovative të biznesit.

#universitetiqiriazi #futurebusinessidea2023 #student #university

Klubi i librit “Qiriazi” mirëpriti dje në ambientet e bibliotekës së Kolegjit Univeritar “Qiriazi”, shkrimtarin dhe publicistin shqiptaro-amerikan Shefqet Meko.

“Viza amerikane” novela që sjell në fokus raportin e emigrantit shqiptar me Amerikën, tokën e premtuar ishte dhe tema e  bashkëbisedimit mes autorit, studentëve dhe pedagogëve.

Takimin e përshëndetën dhe presidenti i Kolegjit Universitar “Qiriazi” Prof. Dr. Gjokë Uldedaj, shkrimtari dhe juristi Z. Ahmet Prençi, publicistët Martin Lekaj dhe Dr. Gjovalin Gjeloshi, Prof. Eugen Pepaj etj.

Autori iu përgjigj pyetjeve dhe interesimit të studentëve, jo vetëm për tematikën e librit, por edhe më gjerë.

Në fund presidenti i Universitetit, Prof. Dr. Gjokë Uldedaj, e nderoi Shefqet Mekon me medalionin e 100 vjetorit të Kolegjit Universitar “Qiriazi”.

Z. Meko është autor i disa librave artistik dhe publicistik. Novela “Viza amerikane” është libri i fundit i tij.

Bashkëbisedimi u përcuall nën moderimin e shkrimtarit Liridon Mulaj, ish student i Kolegjit Universitar “Qiriazi”.

#universitetiqiriazi #klubiilibritqiriazi #student

Universiteti Qiriazi falë bashkëpunimit të vazhdueshëm me biznese dhe kompani të njohura në fushën e Hoteleri- Turizmit, ju ofron studentëve mundësi për praktika profesionale dhe punësimi gjatë dhe pas mbarimit të studimeve.

Edhe këtë radhë studentët tanë ishin të ftuar në ambjentet e “Melia’ Resort” në Gjirin e Lalzit, resort i ri prestigjoz dhe Sol Tropikal pjesë e Melia’ Resort në Durrës, për tu njohur me vendet vakante të punës posaçërisht për studentët e diplomuar në profilin 2 vjeçar Hoteleri-Turizëm dhe për studentët që vazhdojnë studimet në këtë profil.  Gjithashtu me shumë interes u trajtuan studentët në bachelor të degës “Menaxhim Hoteleri-Turizëm” për t’iu siguruar kontrata pune sezonale.
 Të dedikuar në çdo moment për të kompletuar studentët tanë profesionalisht të gatshëm për të përballuar tregun e punës kryesisht në Shqipëri dhe më gjërë, puna jonë nuk ndalet veç në formimin akademik, por vazhdon deri në fazën finale që është punësimi i tyre në struktura hoteliere prestigjioze me standarde të larta.
Ju urojmë suksese studentëve tanë!

#universitetiqiriazi #hotel #university #student #staff #manager

Studentët e programit 2-vjeçar “Teknologji Ushqimore” të Kolegjit Universitar Qiriazi, realizuan vizitë në ambjentet e Fabrikës së prodhimit të sallamit “Hako”.

Teknologët e ardhshëm u njohën nga afër me metodologjinë e përdorur gjatë teknologjisë së prodhimit të sallamit brenda standarteve ligjore dhe realizimin e saj permes paisjeve adekuate, si perzgjedhja e lendës së parë, bluarja e mishit, perzierja, mbushja në mbështjellës, tharja, paketimi dhe ruajtja.

#universitetiqiriazi #student #teknologjiushqimore #university

Studentët e Kolegjit Universitar “Qiriazi”, të programit 2-vjeçar “Teknologji Ushqimore”, zhvilluan praktikën mësimore pranë fabrikës së ujit “Selita”.

Teknologët e ardhshëm u njohën me procesin teknologjik dhe laboratorik pranë kësaj fabrike. Ata kishin mundësi të njihen më nga afër  me proceset teknologjike që nga filtrimi i ujit, mbushja, deri në paketim i gjithë procesi i automatizuar dhe i avancuar.

Të gjitha njohuritë teorike të marra gjatë studimit mbi ujin i zhvilluan në praktikë tek fabrika Selita.

#universitetiqiriazi #student #universitety #laboratory

Universiteti Qiriazi takon maturantët në qytetin e Fierit, duke marrë pjesë në Panairin “Work and Study 2023” i realizuar për këshillimin dhe informimin e tyre për Studimet e Larta Akademike.