Punësim dhe Internship

Një risi bashkëpunimi që u shërben studentëve tanë pas diplomimit, është edhe marrëveshja e bërë midis Universitetit “Qiriazi” dhe Bashkisë Kamëz.

Marrëveshjen mund ta emërtojmë “Ten to ten”, 10 përball 10-ës. Kryetari i bashkisë Rakip Suli, i cili mori pjesë edhe në Panairin e Punës që u zhvillua pranë universitetit tonë, bëri të njohur për pjesëmarrësit, marrëveshjen që ka realizuar me presidentin e Universitetit “Qiriazi”, Prof. Dr. Gjokë Uldedaj.

Në qendër të kësaj marrëveshjeje është punësimi i dhjetë prej studentëve  më të mirë të diplomuar në këtë universitet, me afat njëvjeçar. Përveç punësimit njëvjeçar, synimi është që atyre t’u krijohen mundësitë e barabarta me administratën ekzistuese, për të qenë pjesë e mekanizmit të emërimeve sipas ligjit të “Nëpunësit Civil”. Përball dhjetë të punësuarve në bashkinë e Kamzës, universiteti “Qiriazi” vë në dizpozicion 10 bursa studimi për maturantët më të mirë të shkollave të kësaj bashkie.

Kjo ofertë nuk bëhet vetëm për këtë vit akademik, për në nderim të jubileut të 100 vjetorit të themelimit të “Qiriazit”, por do të praktikohet edhe në vitet e tjera.

Apliko Tani