Qëllimi i programit dhe aftësitë që fitohen në përfundim të studimeve

Qëllimi i programit profesional “Teknologji Informacioni dhe Komunikimi”, me profilet: “Teknologji Informacioni dhe Komunikimi”, “Elektronikë” dhe “Web Design”, është përgatitja e profesionistëve të aftë për të operuar në fusha të ndryshme të teknologjisë dhe ekonomisë.

Procesi akademik udhëhiqet dhe synon që studentët, në përfundim të ciklit të studimeve:

• Të zotërojnë njohuritë e nevojshme për t’u formuar si teknikë të lartë që operojnë në fushat e teknologjisë së informacionit, elektronikës dhe programimit.

• Të administrojnë prodhimin, testimin dhe mirëmbajtjen e aparaturave elektronike, sistemeve kompjuterike, telekomunikimit, kontrollit dhe matjes.

• Të ndërtojnë dhe administrojnë faqe interneti, databaza dhe sisteme për përpunimin e imazhit.

• Të jenë në gjendje të specializohen brenda një kohe të shkurtër dhe në mënyrë autonome, në bazë të kërkesave të tregut të punës.

Kriteret e pranimit dhe forma e studimit

Mundësitë e punësimit

Të diplomuarit në këtë program mund të punësohen në:

• Administrimin dhe mirëmbajtjen e sistemeve të informacionit.

• Kompani që shesin ose prodhojnë pajisje apo sisteme elektronike.

• Uzina industriale.

• Laboratorë matjesh dhe kontrolli.

• Kompani të specializuara në teknologjinë e informacionit.

• Biznese të tjera, si specialistë në fushën përkatëse të studimit.

• Themelimin e sipërmarrjeve të vogla ose të mesme në fushën e teknologjisë.

• Programim të databazave dhe faqeve interneti.

• Dizajn grafik, editorial dhe përdorim të programeve për përpunimin e imazhit.

Mundësitë për studime të mëtejshme

Kreditët e fituara në këtë program mund të transferohen në një program tjetër të të njëjtit nivel, brenda ose jashtë institucionit, duke u dhënë studentëve mundësinë për studime të mëtejshme në vend dhe jashtë tij.

🔗 Kliko këtu për të parë kurrikulën e programit të studimit.