Departamenti i së Drejtës Publike dhe Penale (DDPP) , është njësia mësimore-kërkimore bazë, që përfshin fusha kërkimi homogjene dhe grupon modulet mësimore respektive.
DDPP eshtë njësi që:
- Nxit, bashkërendon dhe administron veprimtarinë e mësimdhënies, veprimtarinë kërkimore dhe ato të shërbimeve ndaj të tretëve, duke respektuar liritë akademike të personelit akademik.
- Gëzon liri të plotë dhe, krahas me këtë, ka përgjegjësi për të shfrytëzuar burimet materiale dhe financiare në dispozicion të saj.
DDPP u ofron studentëve programe studimi në fushën e së drejtës publike dhe Penale duke synuar arsimimin profesional dhe kualifikimin shkencor të studentëve në këto fusha.
Zhvillimi i programeve të reja të studimit bëhet në përshtatje me nevojat e shoqërisë, kushtet ekzistuese dhe perspektivave të zhvillimit të vendit. Programet e studimit universitar organizohen në dy nivele të njëpasnjëshme: në Ciklin e Parë dhe në Ciklin e Dytë të studimit.
Diplomimi në të dy nivelet e studimeve universitare siguron formimin e specialistëve të aftë për të kontribuar në zgjidhjen e problemeve teknike, në fushën e të drejtës publike dhe Penale .
DDPP synon të sigurojë nivel njohurish në shkencat e së drejtës publike dhe Penale që të jenë të krahasueshme me diplomat që lëshojnë strukturat analoge universitare jashtë vendit.
Studimet në Fakultetin e Drejtësisë, DDPP janë të organizuara në funksion të fushave të diplomimit, si më poshtë:
-
- Studime të Integruara në Drejtësi (Cikli i Parë i Studimeve Bachelor)
- Studime të Integruara në Drejtësi (Cikli i Dytë i Studimeve Master Shkencor)