Ndërkombëtarizimi vazhdon të mbetet prioritet i Universitetit Qiriazi, i cili synon të zgjerojë më tej veprimtaritë akademike dhe shkencore.
Së fundmi, Universiteti Qiriazi mori pjesë në konferencat shkencore ndërkombëtare, në fushat: Shkenca dhe Teknologji Inxhinierike, Shkenca dhe Teknologji të Jetës, Shkenca dhe Teknologji të Natyrës dhe Shkenca Sociale, që u mbajtën në datat 31 gusht- 1 shtator në Budva të Malit të Zi, organizuar nga Shoqata turke e Akademikëve “Kutbilge”.
Si universitet partner bashkëorganizator, Universiteti Qiriazi u përfaqësua në këtë konferencë nga drejtuesi i Zyrës së Marrëdhënieve Ndërkombëtare dhe Menaxhimit të Projekteve, z. Viliem Kurtulaj.
Gjithashtu, në takimin e përfaqësuesëve të universiteteve partnere u ra dakord që bashkëpunimi midis Shoqatës së Akademikëve “Kutbilge” dhe Universitetit Qiriazi të vazhdojë edhe në të ardhmen me aktivitete të përbashkëta si konferenca, publikime të artikujve shkencorë, etj.
