Universiteti Qiriazi, në bashkëpunim me agjencinë MyUKVisas dhe Agjencinë Kombëtare të Diasporës organizuan një tryezë diskutimi me temë “Emigrimi në Mbretërinë e Bashkuar: një guidë drejt rrugëve ligjore”.
Në këtë aktivitet morën pjesë Arta Heath dhe Ardita Buna nga studio ligjore MyUKVisas; Stuart Franklin nga Universiteti Lancaster në Angli; dhe Iris Xhanaj nga Agjencia Kombëtare e Diasporës.
Të pranishëm ishin edhe drejtuesit, stafi akademik dhe studentë të universitetit. Referimet e pjesëmarrësve ngjallën interes dhe diskutime në sallë.
Ky event zhvillohet në vazhdën e aktiviteteteve të përbashkëta të Universitetit Qiriazi me partnerët e tij kombëtarë dhe ndërkombëtarë.
