Trajnimin me temë “Gjenerimi i Ideve të Biznesit dhe Shkrimi i Planit të Biznesit”

Njoftime > Lajme > Trajnimin me temë “Gjenerimi i Ideve të Biznesit dhe Shkrimi i Planit të Biznesit”

Më 6 Mars 2025, në kuadër të projektit #HAI4Youth, Fondacioni Davidi, në bashkëpunim me Student Economic Forum dhe Universitetin Qiriazi, organizoi trajnimin me temë “Gjenerimi i Ideve të Biznesit dhe Shkrimi i Planit të Biznesit” me lektorin PhD.c Leons Hasani .

Ky trajnim kishte për qëllim fuqizimin e njohurive të gjimnazistëve të Gjimnazit “John Kennedy” mbi sipërmarrjen, duke u fokusuar në:

Identifikimin e ideve inovative të biznesit;

Teknikat e avancuara për hartimin e planit të biznesit;

Udhëzime praktike për nisjen dhe menaxhimin e projekteve sipërmarrëse;

Seanca interaktive për shkëmbimin e ideve dhe krijimin e rrjeteve profesionale;

Me mbështetjen e Agjencisë Kombëtare të Rinisë (AKR) dhe Ministrit të Shtetit për Rininë dhe Fëmijët (MSHRF) , ky trajnim synon të ndihmojë të rinjtë dhe studentët të zhvillojnë aftësitë e tyre sipërmarrëse dhe të ndërmarrin hapa konkret drejt suksesit!

E ardhmja është në vizionin e të rinjve!

Lajmet

Kolegji Universitar Qiriazi Lajme

Njoftim mbi zhvillimin e sezonit të vjeshtës

Rektorati i Kolegjit Universitar Qiriazi ka miratuar zhvillimin e sezonit të vjeshtës, si dhe një sezon të përshpejtuar për studentët e viteve të fundit.

Sezoni i vjeshtës
31 gusht – 11 shtator 2026

Gjatë këtij sezoni:

* Numri i provimeve nuk duhet të tejkalojë limitin 50% + 1, sipas Rregullores së Kolegjit Universitar Qiriazi.
* Sezoni do të vlejë edhe për deri në 3 provime të mbartura nga vitet e mëparshme, pa e tejkaluar në total kufirin prej 5 ose 6 provimesh, në varësi të programit të studimit.

Për regjistrim të provimeve jeni të lutur të paraqiteni pranë sekretarisë mësimore.

🌐https://www.qiriazi.edu.al
📨mailto:[email protected]
🌳linktr.ee/qiriazi
☎️+355 67 2000 874
📍Ju mirëpresim në ambientet e Universitetit, rruga Taulantët, Kodër-Kamëz, Tiranë 1029

Kalendari Akademik 2026 – 2027

Kolegji Universitar “Qiriazi” njofton se Senati Akademik ka miratuar Strukturën Akademike për vitin akademik 2026–2027, e cila përcakton organizimin e procesit mësimor për të gjitha programet e studimit.

Struktura përfshin programet e ciklit të parë (Bachelor), programet e ciklit të dytë (Master i Shkencave), programet e integruara të ciklit të dytë “Master i Shkencave në Drejtësi”, si dhe programet e studimit me karakter profesional. Dokumenti përcakton kalendarin akademik, kohëzgjatjen e semestrave, periudhat e mësimit, praktikave profesionale, provimeve, riprovimeve dhe pushimeve akademike.

Viti akademik 2026–2027 fillon më 5 tetor 2026 dhe përfundon më 24 shtator 2027, në përputhje me aktet ligjore dhe vendimet përkatëse të Ministrisë së Arsimit dhe Sportit.

Ftojmë të gjithë studentët, pedagogët dhe të interesuarit të njihen me Strukturën Akademike, e cila shërben si dokumenti zyrtar orientues për organizimin e vitit akademik.