Një bibliotekë me emrin e “Motrave Qiriazi” në qytetin e Manastirit.

Njoftime > Lajme > Një bibliotekë me emrin e “Motrave Qiriazi” në qytetin e Manastirit.

Kolegji Universitar “Qiriazi” ju bashkua nismës së dhurimit të 1050 librave për themelimin e bibliotekës së parë me libra në gjuhën shqipe, që do hapet në qytetin e Manastirit.

Grumbullimi i këtij kontigjenti librash u bë në ambjentet e Universitetit Qiriazi, ku u organizua edhe një si “ceremoni pagëzimi”, për nisjen e rrugëtimit të këtyre librave drejt qytetit të Kongresit të Alfabetit të gjuhës shqipe.

Në këtë ceremoni, studentja e gazetarisë nga Shkupi Znj. Emira Selimi, e cila ka marrë këtë nisëm, tha se, jo rastësisht ndodhej në Kolegjin Universitar “Qiriazi”. Ky universitet me këtë emër të nderuar, është “shtëpia” e dijes, e cila e ka zanafillën në qytetin e Manastirit, ku u lindën dhe muarën mësimet e para, Sevasti dhe Parashqevi Qiriazi.

Biblioteka që do të themelohet në Manastir do të mbajë emrin e ikonave të arsimit mbarëkombëtar shqiptar “Motrat Qiriazi”.

Z. Adriatik Kurti, koordinatori i kësaj nisme, u shpreh se, ishte mirënjohës për bashkëpunimin që kishte gjetur dhe solidarizimin e shqiptarëve me këtë nismë.

Pedagogu Zylfi Shehu, i cili ndihmoi së bashku me Universitetin Qiriazi në grumbullimin e këtyre librave, shprehu vendosmërinë e tij për t’a vazhduar edhe më tej këtë mision.

Rektori i Universitetit “Qiriazi” Prof. Dr. Maksim Meço e përgëzoi Znj. Selimi për nisiativën e ndërmarrë dhe u bë pjesë e kësaj nisme më të gjitha botimet e tij!

Gjithashtu, administratorja e Universitetit Qiriazi zj. Roza Uldedaj u shpreh se, nisma dhe ndërmarrje të tilla do jenë të përkrahura gjithnjë nga ana jonë. Realizimi i tyre do të jetë një vlerë e shtuar për ne.

Ndër librat e dhuruar, ishte edhe botimi i fundit i Kolegjit Universitar “Qiriazi”, “Mosha e artë e një universiteti”, me autor Dr. Gjovalin Gjeloshi.

Lajmet

Kolegji Universitar Qiriazi Lajme

Shpallja e thirrjeve për paraqitjen e shprehjeve të interesit për...

Njoftimi i plotë : SHPALLEN THIRRJET PËR KANDIDATURA NË KLGJ DHE KLP

Jo të gjithë bëhen financierë…por të gjithë përballen me paranë

Ka njerëz që mendojnë se financa është vetëm për ata që duan të punojnë në banka apo të merren me tabela Excel-i gjithë jetën. Dhe pikërisht këtu nis keqkuptimi më i madh për këtë degë.

Sepse e vërteta është shumë më e thjeshtë: financa nuk ka të bëjë vetëm me profesionin. Ka të bëjë me mënyrën si funksionon bota.

Në një kohë ku të gjithë flasin për para, investime, kredi, biznese, inflacion, tregje dhe sukses financiar, të kuptosh financën po bëhet një nga aftësitë më të rëndësishme të jetës moderne. Jo sepse të gjithë do të bëhen financierë, por sepse të gjithë do të marrin vendime që lidhen me paranë.

Dikush do të hapë një biznes.
Dikush tjetër do të menaxhojë një kompani.
Dikush do të investojë.
Dikush do të marrë një kredi.
Dikush do të punojë në marketing, teknologji apo menaxhim, por përsëri do të duhet të kuptojë si funksionojnë kostot, fitimi dhe vendimmarrja financiare.

Dhe këtu ndryshon mënyra si duhet parë kjo degë.

Financa nuk është thjesht matematikë. Është logjikë. Është analizë. Është aftësia për të kuptuar rrezikun, mundësinë dhe mënyrën si lëviz ekonomia reale.

Brezi i sotëm jeton në një botë shumë më të shpejtë sesa më parë. Një botë ku informacioni qarkullon me sekonda, tregjet ndryshojnë vazhdimisht dhe teknologjia po transformon mënyrën si punojmë, blejmë dhe investojmë. Në këtë realitet, njerëzit që dinë të lexojnë shifrat dhe të kuptojnë ekonominë kanë avantazh real.

Por një tjetër gabim që bëhet shpesh është ideja se financa është “degë e ftohtë” apo pa kreativitet. Në fakt, pas çdo vendimi të madh biznesi, pas çdo strategjie rritjeje dhe pas çdo kompanie që arrin sukses, ekziston dikush që di të analizojë, të planifikojë dhe të marrë vendime financiare inteligjente.

Kjo është arsyeja pse programi i Financës në Kolegjin Universitar Qiriazi nuk fokusohet vetëm te teoria, por te përgatitja e studentëve për një treg pune që kërkon njerëz praktikë, analitikë dhe të aftë për të menduar strategjikisht.

Studentët përballen me situata reale, zhvillojnë aftësi menaxhimi dhe analize financiare, si edhe kuptojnë mënyrën si funksionon ekonomia moderne në praktikë. Sepse sot kompanitë nuk kërkojnë vetëm diploma. Kërkojnë njerëz që dinë të marrin vendime.

Dhe ndoshta kjo është arsyeja pse financa po bëhet gjithnjë e më e rëndësishme, edhe për njerëzit që nuk e shohin veten si “financierë”.

Sepse në fund, jo të gjithë do të punojnë në financë. Por të gjithë do të jetojnë në një botë që drejtohet nga ajo.