Universiteti Qiriazi në bashkëpunim me Student Economic Forum mirëpritën gjimnazistët e Gjimnazit “Ibrahim Rugova” në aktivitetin me temë: 
“Sfidat e të rinjve në tregun e punës dhe botën universitare”.
Aktiviteti u zhvillua në disa sesione interaktive, ku gjimnazistët patën mundësinë të diskutojnë drejtpërdrejt me pedagogë të fushave të ndryshme dhe përfaqësues të Universitetit Qiriazi. Nxënësit u ndanë në 6 grupe, ku secili grup zhvilloi bashkëbisedime të shkurtra dhe të drejtpërdrejta me pedagogët dhe studentët e Universitetit Qiriazi.
Nxënësit ndanë përvojat e tyre personale, duke pasuruar diskutimet dhe duke evidentuar sfidat reale me të cilat përballen sot të rinjtë.
Aktiviteti vijoi me lojëra argëtuese dhe quiz-e edukative, ku grupet fituese u vlerësuan me çmime simbolike.
Takimi përfundoi me një sesion socializimi dhe koktej, duke inkurajuar krijimin e rrjeteve dhe kontakteve të reja ndërmjet pjesëmarrësve.
Falënderojmë të gjithë nxënësit e Gjimnazit “Ibrahim Rugova”, pedagogët dhe përfaqësuesit e Student Economic Forum për kontributin dhe mbështetjen në realizimin me sukses të këtij aktiviteti të rëndësishëm akademik.
