Biografia
Prof. Dr. Ylli Zhurda është drejtues i Departamentit “Edukim Fizik dhe Sporte”.
Prof. Dr. Ylli Zhurda ka një përvojë të gjerë në mësimdhënie, kërkim shkencor dhe drejtim akademik, me fokus në psikologjinë dhe pedagogjinë e sportit. Formimi i tij ndërthur shkencat e natyrës me psikologjinë, duke mbështetur një qasje ndërdisiplinore ndaj shkencave sportive dhe edukimit profesional. Mban gradën shkencore “Doktor i Shkencave” në psikologji dhe, që prej vitit 2012, titullin akademik “Profesor”.
Veprimtaria e tij shkencore përfshin autorësinë dhe bashkautorësinë e botimeve në psikologjinë dhe pedagogjinë e sportit, si dhe në shkencat e lëvizjes, rehabilitimin dhe rekreacionin sportiv. Kontributi i tij në mësimdhënie dhe botime u shërben formimit akademik e profesional të studentëve të të tria cikleve të studimit, si dhe përgatitjes së sportistëve.
Gjatë karrierës së tij në Universitetin e Sporteve të Tiranës, ka ushtruar funksione të rëndësishme akademike dhe drejtuese, përfshirë detyrën e zëvendësrektorit, drejtuesit të Departamentit të Shkencave të Edukimit Profesional, anëtarit të Senatit Akademik dhe anëtarit të Këshillit Shkencor. Gjithashtu, ka kontribuar në hartimin dhe zhvillimin e programeve e kurrikulave mësimore, si dhe në proceset e organizimit dhe ristrukturimit të universitetit për të tria ciklet e studimit.
Prof. Dr. Zhurda ka zgjeruar formimin e tij profesional përmes specializimeve dhe trajnimeve në universitete perëndimore. Ai ka marrë pjesë në projekte shkencore dhe akademike në cilësinë e drejtuesit, koordinatorit dhe partnerit.
BOTIME LIBRA
- (2009). PSIKOLOGJIA Autor Ylli Zhurda Shtëpia Botuese e Librit Universitar
