Biografia
Dr. Marsela Resulaj është pedagoge dhe eksperte në fushat e ekonomisë politike, menaxhimit dhe sigurimeve. Prej vitit 2016 është pedagoge e Menaxhimit në Kolegjin Universitar “Qiriazi”, ndërsa prej vitit 2019 jep mësim në fushën e ekonomisë në Universitetin “Aleksandër Moisiu” të Durrësit. Më parë, gjatë viteve 2010–2014, ka qenë pedagoge në Fakultetin e Ekonomisë dhe Agrobiznesit.
Krahas veprimtarisë akademike, Dr. Resulaj ka një përvojë të gjatë drejtuese në sektorin e sigurimeve. Prej vitit 2014 mban detyrën e Drejtores së Degës Durrës 2 pranë SIGAL Insurance Group. Në periudhën 2015–2019 ka shërbyer gjithashtu si anëtare e Këshillit Bashkiak të Durrësit, duke fituar përvojë në qeverisjen vendore dhe proceset e vendimmarrjes publike.
Dr. Resulaj ka përfunduar studimet Bachelor në Shkenca Politike në Universitetin e Tiranës në vitin 2008. Në vitin 2011 ka përfunduar studimet Master në Ekonomi Politike në University of Hawaiʻi at Mānoa, ndërsa gjatë periudhës 2011–2016 ka ndjekur dhe përfunduar studimet e doktoratës në Ekonomi Politike pranë Fakultetit të Ekonomisë dhe Agrobiznesit.
