Libri “Zgjedhjet në Bosnje dhe Hercegovinë” paraqet përvojën e zhvillimit dhe administrimit të zgjedhjeve në një shtet me strukturë komplekse etnike dhe institucionale. Në fokus janë zgjedhjet e përgjithshme, kantonale dhe rajonale, ku trajtohen kuadri zgjedhor, funksionimi i institucioneve, roli i partive politike dhe veçoritë e procesit elektoral. Përmes kësaj përvoje, libri evidenton elemente të organizimit dhe të funksionimit të sistemit zgjedhor të Bosnje dhe Hercegovinës që mund të jenë me interes për institucionet shtetërore, politike dhe studiuesit. Vepra synon gjithashtu të nxisë diskutimin mbi mundësinë e marrjes në konsideratë të praktikave të tilla në zhvillimin e mëtejshëm të sistemit zgjedhor në Shqipëri.
