Zbatime të disa metodave të Matematikës e Informatikës në Shkencat Pyjore

Libri trajton zbatimin e Microsoft Excel-it në modelimin dhe zgjidhjen e problemeve të ndryshme në fushën e pyjeve. Fillimisht paraqiten njohuritë bazë teorike të programimit linear, të ndjekura nga probleme konkrete të programimit linear, transportit dhe programimit binar, të lidhura me shfrytëzimin dhe transportin e lëndës drusore. Më tej, analizohen probleme statistikore në shkencat pyjore përmes analizës së variancës, korrelacionit dhe regresionit. Një kontribut i veçantë është modelimi matematikor dhe informatik i tabelave të kubimit sipas serive të lartësive për pishën dhe ahun. Libri përfshin gjithashtu modele informatike për llogaritjet në prodhimin pyjor, ndërtimin e pritave malore dhe përmasimin e teleferikëve pyjorë. Ai u drejtohet specialistëve, studiuesve dhe studentëve të shkencave pyjore.