“Mosha e Artë e një Universiteti”, me autor Dr. Gjovalin Gjeloshi, është një monografi kushtuar historisë së Kolegjit Universitar “Qiriazi”, e botuar në kuadër të 100-vjetorit të themelimit të tij. Libri paraqet lindjen, zhvillimin dhe konsolidimin e institucionit, nga fillesat në vitin 1922 deri në ditët e sotme, duke evidentuar vazhdimësinë e tij në të njëjtën ndërtesë dhe ruajtjen e vlerave historike, arsimore dhe kulturore. Nëpërmjet trajtimit të trashëgimisë së familjeve Qiriazi dhe Dako, monografia hedh dritë mbi kontributin e tyre në historinë e arsimit shqiptar dhe në formimin e këtij institucioni universitar.
