BALTA QË (S)DUAM

Libri “BALTA QË (S)DUAM” është një përmbledhje publicistike me shkrime të botuara në shtypin periodik shqiptar gjatë periudhës 1982–2019. Në qendër të tyre janë zhvillimi i bujqësisë dhe ekonomisë bujqësore, përvoja e përparuar në këtë fushë dhe politikat e ndjekura ndaj sektorit në etapa të ndryshme. Një pjesë e rëndësishme e librit trajton mbrojtjen dhe përdorimin e tokës bujqësore, rajonizimin e kulturave, zhvillimin e blegtorisë dhe problemet e pronësisë mbi tokën. Përmes analizës dhe vëzhgimeve të autorit, shkrimet evidentojnë problematikat që kanë shoqëruar bujqësinë dhe marrëdhënien e institucioneve qendrore e vendore me të. Titulli metaforik “Balta që (s)duam” përmbledh qëndrimin kritik të autorit ndaj vëmendjes së pamjaftueshme që i është kushtuar bujqësisë në Shqipëri.