Departamenti i Menaxhim-Biznesit (DMB), është njësia mësimore-kërkimore bazë, që përfshin fusha kërkimi homogjene dhe grupon modulet mësimore respektive.
Departamenti i Menaxhim-Biznesit është njësi që :
- Nxit, bashkërendon dhe administron veprimtarinë e mësimdhënies, veprimtarinë kërkimore dhe ato te shërbimeve ndaj të tretëve, duke respektuar liritë akademike të personelit akademik.
- Gëzon liri te plotë dhe, krahas me këtë, ka pergjegjësi për të shfrytëzuar burimet materiale dhe financiare në dispozicion të saj.
DMB u ofron studentëve programe studimi në fushën e menaxhimit të biznesit duke synuar arsimimin profesional dhe kualifikimin shkencor të studentëve në këto fusha.
Zhvillimi i programeve të reja të studimit bëhet në pershtatje me nevojat e shoqërise, kushtet ekzistuese dhe perspektivave të zhvillimit të vendit.
Programet e studimit universitar organizohen në dy nivele të njëpasnjëshme: në Ciklin e Parë dhe në Ciklin e Dytë të studimit.
Diplomimi në të dy nivelet e studimeve universitare siguron formimin e specialistëve të aftë për të kontribuar në zgjidhjen e problemeve teknike, në fushën e menaxhimit të biznesit.
DMB synon të sigurojë nivel njohurish në shkencat e së drejtës publike dhe administrative që të jenë të krahasueshme me diplomat që lëshojne strukturat analoge universitare jashtë vendit.
Studimet në Fakultetin e Ekonomisë, Departamenti i Menaxhim-Biznesit janë të organizuara në funksion të fushave të diplomimit, si me poshtë :
a. Menaxhim Biznesi ( Cikli i Parë i Studimeve-Bachelor)
b. Menaxhim Hoteleri-Turizëm ( Cikli i Parë i Studimeve-Bachelor)
c. Informatike Ekonomike dhe Biznesi ( Cikli i Parë i Studimeve-Bachelor)
d. Administrim Biznesi ( Cikli i Dytë i Studimeve-Master i Shkencave)
